ໄດ້ໃຫ້ສໍາພາດຕໍ່ສືມວນຊົນວ່າ: ສູນເສຍອົງຄະພິເສດ 790 ສ້າງຕັ້ງຂຶ້ນໃນວັນທີ 7/7/1990ເພື່ອເປັນບ່ອນເຕົ້າໂຮມເອົານາຍ ແລະ ພົນທະຫານ ທີ່ເສຍອົງຄະຍ້ອນການສູ້ຮົບ ແລະ ຮັບໃຊ້ສູ້ຮົບ ໃນສະໄໝຕໍ່ສູ້ກູ້ຊາດ ກໍຄືສະໄໝປົກປັກຮັກສາ ແລະ ສ້າງສາພັດທະນະປະເທດຊາດ ຊຶ່ງເປັນພະນັກງານເສຍອົງຄະພິເສດນັບແຕ່ 81% ຂຶ້ນໄປ ເພື່ອໃຫ້ສະດວກໃນການດູແລ ແລະ ຈັດຕັ້ງປະຕິບັດນະໂຍບາຍ ຕາມນະໂຍບາຍຂອງ ພັກ-ລັດຖະບານ ທີ່ມີຕໍ່ນາຍ ແລະ ພົນທະຫານ, ພະນັກງານປະຕິວັດ ອາວຸໂສ, ເສຍອົງຄະບຳນານ ໃຫ້ຖືກຕ້ອງ ແລະ ເໝາະສົມ ຕາມນະໂຍບາຍຂອງພັກ-ລັດຖະບານວາງອອກແຕ່ລະໄລຍະໃນປີ 1954-1955 ພະນັກງານ-ນັກຮົບທີ່ຖືກບາດເຈັບ ແລະ ເສຍອົງຄະໃນການຕໍ່ສູ້ກູ້ຊາດ ໄດ້ໄປເຕົ້າໂຮມຢູ່ເຂດເຊີນລຽນ ແຂວງແທງຮວາ ປະເທດຫວຽດນາມເພາະໃນໄລຍະນັ້ນປະເທດຊາດຂອງພວກເຮົາ ຍັງພົບຂໍ້ຫຍຸ້ງຍາກ ແລະ ກຽມປົດປ່ອຍປະເທດຊາດ.
ປີ 1975-1976 ພາຍຫຼັງປະເທດຊາດໄດ້ຮັບການປົດປ່ອຍຢ່າງສົມບູນ ພັກ ແລະ ລັດຖະບານ ຈຶ່ງໄດ້ຍົກຍ້າຍເອົາພະນັກງານ-ນັກຮົບ ທີ່ເສຍອົງຄະຢູ່ເຂດເຊີນລຽນ ແຂວງແທງຮວາ ປະເທດຫວຽດນາມ ກັບຄືນປະເທດເຮົາ ມາຢູ່ເຂດທີ່ໝັ້ນ ເມືອງວຽງໄຊ ແຂວງຫົວພັນ ແລະ ໄດ້ສ້າງຕັ້ງກອງນີ້ຂຶ້ນໂດຍມີຊື່ວ່າ: ກອງ 18 A ຕັ້ງຢູ່ບ້ານນາແທ່ນ ເມືອງ ວຽງໄຊ ແຂວງຫົວພັນ ແລະ ມາຮອດປີ 1990 ຍ້ອນເຫັນໄດ້ຄວາມສໍາຄັນຂອງພະນັກງານເສຍອົງຄະພັກ ແລະ ລັດຖະ ບານ ກໍຄືກະຊວງປ້ອງກັນປະເທດ ຈຶ່ງໄດ້ຍົກຍ້າຍ ກອງ 18 A ມາຕັ້ງຢູ່ບ້ານໄຮ່ ເມືອງໄຊທານີ ນະຄອນຫຼວງວຽງຈັນ (ມີຊື່ວ່າ ສູນເສຍອົງຄະພິເສດ 790 ຈົນເຖິງປັດຈຸບັນ).
ມາເຖິງປີ 1993 ເພື່ອສືບຕໍ່ປະຕິບັດນະໂຍບາຍ ຕໍ່ພະນັກງານເສຍອົງຄະພິເສດ ໃຫ້ສອດຄ່ອງຕາມແຕ່ລະໄລຍະ ມາເຖິງວັນທີ 27/7/1993 ກະຊວງປ້ອງກັນປະເທດ ຈຶ່ງໄດ້ມອບໂອນສູນເສຍອົງຄະພິເສດ 790 ໃຫ້ກະຊວງ ແຮງງານ ແລະ ສະຫວັດດີການສັງຄົມ ເປັນຜູ້ສືບຕໍ່ຈັດຕັ້ງປະຕິບັດນະໂຍບາຍ ຄຸ້ມຄອງ, ດູແລ ເປັນເວລາ 26 ປີ.ມາເຖິງປີ 2018 ໂດຍປະຕິບັດຕາມມະຕິຕົກລົງຂອງຄະນະເລຂາທິການສູນກາງພັກ ສະບັບ ເລກທີ 189/ຄລສພ, ລົງວັນທີ 26/12/2018 ວ່າດ້ວຍການມອບໂອນ ການຄຸ້ມຄອງນາຍ ແລະ ພົນທະຫານ, ນາຍ ແລະ ພົນຕໍາຫຼວດ ທີ່ໄດ້ຮັບນະໂຍບາຍອອກຜັກຜ່ອນຮັບອຸດໜູນບຳນານ, ພະນັກງານເສຍອົງຄະຍ້ອນການສູ້ຮົບ ແລະ ຮັບໃຊ້ສູ້ຮົບກັບຄືນກະຊວງປ້ອງ ກັນປະເທດເປັນຜູ້ຄຸ້ມຄອງດູແລ ຕາມນະໂຍບາຍຂອງ ພັກ-ລັດ ວາງອອກ.
ມາຮອດວັນທີ 24 ມັງກອນ 2020 ກະຊວງແຮງງານ ແລະ ສະຫວັດດີການສັງຄົມ ໄດ້ມອບໂອນສູນເສຍອົງຄະພິເສດ 790 ກັບຄືນໃຫ້ກະຊວງປ້ອງກັນປະເທດ ເພື່ອສືບຕໍ່ຄຸ້ມຄອງດູແລ ແລະ ປະຕິບັດນະໂຍບາຍ ມາເຖິງປັດຈຸບັນ.ດ້ານໂຄງຮ່າງການຈັດຕັ້ງ ສູນເສຍອົງຄະພິເສດ 790 ແມ່ນທຽບເທົ່າກອງພັນນ້ອຍ ປະກອບ ມີຄະນະພັກ-ຄະນະບັນຊາ 5 ສະຫາຍ, ມີ 4 ຂະແໜງການ, ໂຮງໝໍ 10 ຕຽງ ແລະ 1 ໝູ່ປ້ອງກັນ ລວມທັງໝົດ 81 ສະຫາຍ ຕາມຕາມໂຄງປະກອບຂອງກົມໃຫຍ່ເສນາທິການ.ພາຍຫຼັງສູນເສຍອົງຄະພິເສດ 790 ໄດ້ຮັບການສ້າງຕັ້ງຂຶ້ນແລ້ວ ກົມກອງພວກເຮົາໄດ້ ເຮັດໜ້າທີ່ ເປັນເສນາທິການໃຫ້ແກ່ຫ້ອງການເມືອງ ກົມໃຫຍ່ການເມືອງກອງທັບ.ມີໜ້າທີ່ສຶກສາອົບຮົມການເມືອງແນວຄິດ, ຄຸ້ມຄອງເບິ່ງແຍງປະຕິບັດນະໂຍບາຍຕໍ່ພະນັກງານຜູ້ເສຍອົງຄະພິເສດ ຕາມດໍາລັດ 272/ລບ
ສູນຂອງພວກເຮົາແມ່ນຢູ່ໃກ້ກັບຂັ້ນເທິງ, ການໄປມາແມ່ນສະດວກສະບາຍ, ໄລຍະຜ່ານມາ ພັກ-ລັດຖະບານ, ຄະນະນໍາກະຊວງປ້ອງກັນປະເທດ ຖືເປັນສໍາຄັນຕໍ່ພະນັກງານເສຍອົງຄະພິເສດ, ອໍານວຍຄວາມສະດວກໃຫ້ງົບປະມານມາສ້າງເສັ້ນທາງເຂົ້າສູນ ແຕ່ຮ່ອມ 17, 18, 19, 20, 21 ແລ່ນນໍ້າປະປາ, ໄຟຟ້າ, ຕິດຕັ້ງໄຟເຍື່ອງທາງ, ປັບປຸງ ສ້ອມແປງຫ້ອງການ, ສະໂມສອນ, ໂຮງໝໍ 10 ຕຽງ, ກະລາລົດ ແລະ ສ້າງສາງນໍ້າມັນ. ນອກຈາກນັ້ນ, ທາງສູນຍັງໄດ້ຮັບການຊ່ວຍເຫຼືອຈາກກະຊວງການເງິນ ສ້າງຫໍມູນເຊື້ອ ຈໍານວນ 1 ຫຼັງ, ບຸກເບີກບ່ອນທໍາການຜະລິດປັບປຸງໜອງປາເກົ່າຈໍານວນ 2 ໜອງ, ຈົກໜອງປາໃໝ່ ຈໍານວນ 1 ໜອງ, ລ້ອມຮົ້ວ, ປຸກເຮືອນ 1 ຫຼັງ ແລະ ສາງມ້ຽນເຄື່ອງ. ລັດວິສາຫະກິດຫວຍພັດທະນາລາວ ໃຫ້ການຊ່ວຍເຫຼືອສ້າງໂຮງງານນໍ້າດື່ມ ຈໍານວນ 1 ຫຼັງ.
ສູນຂອງພວກເຮົາແມ່ນສູນໜຶ່ງ ທີ່ມີພະນັກງານເສຍອົງຄະພິເສດ ແຕກຕ່າງກັບບັນດາສູນ ເສຍອົງຄະ 11 ສູນໃນທົ່ວປະເທດ ອາໃສແຕ່ເງິນເດືອນ, ເງິນອຸດໜູນເສຍອົງຄະມາລ້ຽງ ຄອບຄົວ, ບໍ່ມີລາຍຮັບດ້ານອື່ນທີ່ຈະມາຊ່ວຍແບ່ງເບົາ.ສູນຂອງພວກເຮົາເປັນສູນທີ່ເຕົ້າໂຮມພະນັກງານເສຍອົງຄະຂັ້ນພິເສດ ທີ່ສູນເສຍກຳລັງແຮງງານແຕ່ 81-100% ຂຶ້ນໄປ, ອີງໃສ່ອາຍຸກະສຽນເຖົ້າແກ່ຊະລາມີການເຈັບເປັນຕະຫຼອດ ສຸຂະພາບອ່ອນເພຍ ການໄປມາກໍບໍ່ສະດວກ.ຂັ້ນພິເສດ ທີ່ສູນເສຍກຳລັງແຮງງານແຕ່ 81-100% ຂຶ້ນໄປ,ອີງໃສ່ອາຍຸກະສຽນເຖົ້າແກ່ສະລາມີການເຈັບເປັນຕະຫຼອດ ສຸ ຂະພາບອ່ອນເພຍ ການໄປມາກໍບໍ່ສະດວກ.ອຸປະກອນຊ່ວຍເຫຼືອຂອງຜູ້ເສຍອົງຄະຂອງພວກເຮົາໄດ້ມີການປັບປຸງ ແລະ ຂະຫຍາຍ ຕົວເຊັ່ນ:ພວກເຮົາມີສູນ 686 ຜະລິດແຂນທຽມ, ຂາທຽມ, ໄມ້ຄໍ້າເທົ້າ, ພາຫະນະລໍ້ຍູ້, ລໍ້ເລື່ອນ ເພື່ອອໍານວຍຄວາມສະດວກໃນການໄປມາ.
ຕະຫຼອດໄລຍະທີ່ຜ່ານມາ ສູນຂອງພວກເຮົາສາມາດຍາດໄດ້ຜົນສໍາເລັດຫຼາຍດ້ານຢ່າງຕໍ່ເນື່ອງ ອັນພົ້ນເດັ່ນແມ່ນຂະບວນການຝຶກແອບຮໍ່າຮຽນ, ສິນລະປະວັນນະຄະດີ, ຂັບຮ້ອງ, ການປັບປຸງບູລະນະຄ້າຍຄູ, ລະບຽບແບບແຜນ, ການປະຕິບັດຂໍ້ກຳນົດລະບຽບຕ່າງໆ ຂະບວນການເພີ່ມພູນຜະລິດຜົນແກ້ໄຂຊີວິດການເປັນຢູ່ ແລະ ບູລະນະສະຖານທີ່ຄ້າຍຄູ່ໃຫ້ຈົບງາມ, ຕິດພັນກັບການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ, ການກໍ່ສ້າງກົມກອງ 3 ປອດ, ຂະບວນການແຂ່ງຂັນຮັກຊາດ ແລະ ພັດທະນາ ແລະ ອື່ນໆ.ສໍາລັບທິດທາງໃນຕໍ່ໜ້າສູນເສຍອົງຄະພິເສດ 790ແມ່ນຈະສືບຕໍ່ຈັດຕັ້ງປະຕິບັດນະໂຍບາຍຕໍ່ພະນັກງານເສຍອົງຄະພິເສດ ໃຫ້ຖືກຕ້ອງຕາມນະໂຍບາຍ ຂອງຂັ້ນເທິງວາງອອກ.ສືບຕໍ່ຕິດຕາມການກໍ່ສ້າງປະຕູໂຂງ, ສືບຕໍ່ຂໍທຶນມາພັດທະນາໜອງປາຢູ່ເຂດທຳການຜະລິດ.
ເພື່ອຂໍ່ານັບຮັບຕ້ອນວັນນັກຮົບເສຍອົງຄະ ແລະ ເສຍສະຫຼະຊີວິດ ເພື່ອປະເທດຊາດ ( 21 ມີນາ 1946 - 21 ມີນາ 2025 ຄົບຮອບ 79 ປີ) ທາງສູນພວກເຮົາໄດ້ສ້າງ ຂະບວນການ ເພື່ອສະເຫຼີມສະຫຼອງ 3 ວັນປະຫວັດສາດ ໃຫ້ມີເນື້ອໃນເລິກຊຶ່ງເຊັ່ນ: ພວກເຮົາໄດ້ຈັດຕັ້ງສ້າງກິດຈະກຳ ອອກແຮງງານ, ຈັດຕັ້ງປາຖະກະຖາເລົ່າມູນເຊື້ອແລະ ເນື່ອງໃນໂອກາດວັນນັກຮົບເສຍອົງຄະ ແລະ ເສຍສະຫຼະຊີວິດ ເພື່ອປະເທດຊາດ (21 ມີນາ 1946 – 21 ມີນາ 2025 ຄົບຮອບ 79 ປີ) ແລະ ວັນສ້າງຕັ້ງພັກ ປະຊາຊົນ ປະຕິວັດລາວ ຄົບຮອບ 70 ວັນທີ 22 ມີນາ 1955-22 ມີນາ 2025. ທີ່ຈະມາເຖິງນີ້: ຕາງໜ້າ ຄະນະພັກ-ຄະນະບັນຊາ, ພະນັກງານປະຕິວັດອາວຸໂສ, ພະນັກງານເສຍອົງຄະບຳນານ, ພະນັກງານ-ນັກຮົບທົ່ວສູນ 790 ຂໍສະແດງຄວາມຮູ້ບຸນຄຸນ ຕໍ່ການນໍາພັກ-ລັດ, ການນໍາ ກະຊວງປ້ອງກັນປະເທດ ຕະຫຼອດຮອດບັນດານັກທຸລະກິດ, ບໍລິສັດ ແລະ ອົງການຈັດຕັ້ງ ສັງຄົມ, ທາງພາຍໃນ ແລະ ຕ່າງປະເທດ ທີ່ໄດ້ໃຫ້ການຊ່ວຍເຫຼືອ, ສະໜັບສະໜູນ ຕໍ່ພະນັກງານເສຍອົງຄະພິເສດ 790 ໂດຍຕະລອດມາ ແລະ ອວຍພອນໄຊອັນປະເສີດ ມາ ຍັງການນໍາ ພັກ-ລັດ, ການນໍາກະຊວງປ້ອງກັນປະເທດ ຈົ່ງມີສຸຂະພາບແຂງແຮງ ມີຜົນສໍາ ເລັດໃນໜ້າທີ່ວຽກງານ ອັນມີກຽດສະຫງ່າສູງສົ່ງ ຂອງບັນດາທ່ານ ແລະ ເປັນຮົ່ມໂພຮົ່ມໄຊ ສືບຕໍ່ຊີ້ນໍາ-ນໍາພາ ກໍລັງປະກອບອາວຸດກອງທັບປະຊາຊົນລາວ ໃຫ້ນັບມື້ເຕີບໃຫຍ່ ເຂັ້ມແຂງໜັກແໜ້ນ ແລະ ກ້າວໜ້າຢ່າງບໍ່ຢຸດຢັ້ງ.ອວຍພອນໄຊອັນປະເສີດມາຍັງພະນັກງານເສຍອົງຄະພິເສດ, ພະນັກງານເສຍອົງຄະໃນຂອບ ເຂດທົ່ວປະເທດ ຈົ່ງມີສຸຂະພາບເຂັ້ມແຂງ ປະສົບຜົນສໍາເລັດໃນໜ້າທີ່ການເມືອງຂອງຕົນ ນໍາເອົາພາລະກິດ, ມູນເຊື້ອ ແລະ ແນວທາງການປະຕິວັດຂອງພັກ ແລະ ເປັນແວ່ນແຍງໃຫ້ຮຸ່ນລູກ, ຮຸ່ນຫຼານ ສືບທອດຕໍ່ໄປ.
ຄໍາເຫັນ